१६ चैत्र २०८०, शुक्रबार | March 29, 2024

कोरोना भाइरसको संक्रमणबाट हालसम्म ७३ पुरुष र २२ महिलाको मृत्यु



काठमाडौं । नेपालमा हालसम्म कोरोना भाइरसको संक्रमणबाट ९५ जनाको मृत्यु भएको छ ।

पछिल्लो विवरण अनुसार अछामको रामारोशन गाउँपालिका वडा नं. ५ निवासी १८ वर्षीय युवकको पाटन स्वास्थ्य विज्ञान प्रतिष्ठानमा मृत्यु भएको छ ।

मुटुका रोगी रहेका ती युवकको उपचारकै क्रममा साउन २८ गते मृत्यु भएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले बताए ।

यसैगरी मोरङको विराटनगर महानगरपालिका वडा नं. ३ निवासी ५७ वर्षीय पुरुषको २८ गते नै कोशी अस्पतालमा मृत्यु भएको छ । मधुमेह र उच्चरक्तचापका बिरामी ती पुरुषको पनि उपचारकै क्रममा मृत्यु भएको छ ।

यसैगरी महोत्तरीको मठिहानीका एक पुरुषको साउन २५ गते रामजानकी अस्पताल जनकपुरा मृत्यु भएको छ ।

यस्तै, धनुषाको मिथिला नगरपालिका–७ ढल्केवरकी ८५ वर्षीया महिलाको साउन २८ गते वीपी कोइराला स्वास्थ्य विज्ञान प्रतिष्ठान धरानमा मृत्यु भएको छ ।

हालसम्म मृत्यु भएका ९५ जनामध्ये ७३ जना पुरुष र २२ जना महिला रहेका छन् । मन्त्रालयले सार्वजनिक गरेको तथ्यांक अनुसार प्रदेश १ मा ८ पुरुषको मृत्यु भएको छ ।

प्रदेश २ मा २८ जना पुरुष र ११ जना महिला गरी ३९ जना रहेका छन् । यसैगरी बागमती प्रदेशमा १३ पुरुष र ५ महिला गरी १८ जनाको मृत्यु भएको छ ।

गण्डकी प्रदेशमा ६ जना पुरुषको मृत्यु भएको छ ।
यसैगरी ५ नं. प्रदेशमा ९ जना पुरुष र ३ जना महिला गरी १२ जनाको मृत्यु भएको छ भने कर्णाली प्रदेशमा ४ जना पुरुषको मृत्यु भएको छ ।

सुदुरपश्चिम प्रदेशमा ५ जना पुरुष र ३ जना महिला गरी ८ जनाको मृत्यु भएको मन्त्रालयले जनाएको छ ।

प्रकाशित मिति : २९ श्रावण २०७७, बिहिबार  ५ : २४ बजे

बुटवल उपमहानगरमा ज्येष्ठ नागरिक र फरक क्षमता भएका व्यक्तिको घरदैलोमा पुगेर स्वास्थ्य परीक्षण

बुटवल । बुटवल उपमहानगरपालिकामा ज्येष्ठ नागरिक र फरक क्षमता भएका

एन आई सी एशिया बैंकद्वारा ‘बिराट गोल्ड कप फुटबल’ प्रायोजन

काठमाडौ । एन आई सी एशिया बैंकले कोशी प्रदेशमा आयोजना

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।