काठमाडौं । नेपालमा कोरोना भाइरसको संक्रमणबाट मृत्यु हुनेको संख्या निरन्तर उकालो लाग्दो क्रममा छ ।
शुक्रबार थप थप चार जनाको मृत्यु भएको रिपोर्ट स्वास्थ्य तथा जनसंख्या मन्त्रालयले सार्वजनिक गरेको छ ।
पछिल्लो रिपोर्ट अनुसार कोरोना संक्रमणबाट मृत्यु हुनेमा बारा जिल्लाका दुई जना पुरुष रहेका छन् ।
यसैगरी मोरङका एक जना र सिराहाका एक जना पुरुषको पनि मृत्यु भएको मन्त्रालयका प्रवक्ता प्राडा. जागेश्वर गौतमले जनाएका छन् ।
उनीहरुको मृत्यु कहिले र कहाँ भयो भन्नेबारेमा भने शुक्रबार डा. गौतमले केही बताएनन् ।
यससँगै हालसम्म नेपालमा कोरोना भाइरसको संक्रमणबाट मृत्यु हुनेको संख्या ९९ पुगेको छ ।
नेपालमा मृत्यु दर प्रति दशलाख जनसंख्यामा ३ दशमलव ४ प्रतिशत रहेको छ ।
प्रतिक्रिया