बैंक मर्जरको अनुभव भएका रत्नराज बज्राचार्य दोस्रो पटक ग्लोबल आईएमई बैंकको सिइओमा नियुक्त

काठमाडौ । ग्लोबल आईएमई बैंकको प्रमुख कार्यकारी अधिकृत (सिइओ) मा रत्नराज बज्राचार्य नियुक्त भएका छन् । बैंकको शुक्रबार बसेको सञ्चालक समितिको बैठकले बज्राचार्यलाई दोस्रोपटक नियुक्त गरेको हो ।

बज्राचार्यले आगामी ४ वर्ष बैंकको प्रमुख कार्यकारी अधिकृत सम्हालने बैंकका अध्यक्ष चन्द्रप्रसाद ढकालले जानकारी दिए । उनले भदौ १ गते देखि पदभार सम्हाल्ने भएका छन्

बज्राचार्यले यसअघि पनि ग्लोबल आईएमई बैंकको प्रमुख कार्यकारी अधिकृत थिए । एक अनुभबी बैंकरको रुपमा परिचित बज्राचार्यसँग नेपाल राष्ट्र बैंकमा ३० वर्षे सेवा गरेको पनि अनुभव रहेको छ ।

बैंकलाई मर्जरको उचाइमा पुर्याउने काम गरेका बज्राचार्यले अब बिग मर्जरमा पनि राम्रो भुमिका खेल्ने भन्दै उनलाई फेरि भित्र्याइएको बैंकका अध्यक्ष ढकालले  बताए ।