१६ चैत्र २०८०, शुक्रबार | March 29, 2024

नेपालमा २५ हजार कोरोना संक्रमित पुग्दा एकसयको मृत्यु



काठमाडौं । थप पाँचजनाको मृत्यु भएसँगै नेपालमा ज्यान गुमाउने कोरोना संक्रमितको संख्या एक सय पुगेको छ । पछिल्लो २४ घण्टामा ज्यान गुमाउने संक्रमितमा बाराका दुई, मोरङ, सिरहा र धनुषाका एकएकजना पुरुष छन् ।

धनुषाका ५० वर्षीय पुरुषको उपचारका लागि काठमाडौं ल्याउँदै गर्दा बाटोमै मृत्यु भएको प्रदेश २ को सामाजिक विकास मन्त्रालयले जनाएको छ । मन्त्रालयका वरिष्ठ प्रशासक विजय झाका अनुसार ती संक्रमितलाई जनकपुर प्रदेश अस्पतालबाट काठमाडौं रेफर गरिएको थियो । उनको बिहीबार साँझ मृत्यु भएको हो । पछिल्लो एक सातायता नेपालमा दैनिकजसो चारपाँचजना संक्रमितको मृत्यु भएको छ ।

प्रदेश १ र २ मा समुदायमै कोरोना संक्रमण फैलिन थालेपछि मृत्युदर बढेको तथ्यांकले देखाएको छ । काठमाडौं उपत्यकामा पनि संक्रमण दर वृद्धि भएको छ । नेपालमा गत जेठमा पहिलोपटक कोरोना संक्रमितको मृत्यु भएको थियो । असारको अन्तिम सातासम्ममा मृत्युदर कुल संक्रमितमध्ये ०.२१ प्रतिशत रहेकोमा अहिले बढेर ०.३८ प्रतिशत पुगेको छ ।

सबैभन्दा बढी मृत्यु हुनेमा प्रदेश २ देखिएको छ । हालसम्म प्रदेश २ मा ४२ जना संक्रमितको मृत्यु भइसकेको छ । त्यसपछि वाग्मती प्रदेशमा १८, प्रदेश ५ मा १२, प्रदेश १ मा ९, सुदूरपश्चिममा ८, गण्डकीमा चार र कर्णालीमा चारजनाको मृत्यु भएको छ। पहिलो चरणमा भारतबाट आई क्वारेन्टिनमा रहेनहरूमा कोरोना पुष्टि भएको थियो । उनीहरू सबै युवा रहेकाले मृत्युदर कम भएको राष्ट्रिय इपिडिमियोलोजी तथा रोग नियन्त्रण महाशाखाका प्रमुख डा वासुदेव पाण्डेले बताए । उक्त समाचार आजकाे नागरिक दैनिकमा छापिएकाे छ ।

प्रकाशित मिति : ३१ श्रावण २०७७, शनिबार  ७ : ५७ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको