विराटनगर । धरानमा एक जना कोरोना संक्रमित महिलाको मृत्यु भएको छ।
मोरङको विराटनगरकी एक महिलाको कोरोना संक्रमणका कारण धरानस्थित वीपी कोइराला स्वास्थ्य विज्ञान प्रतिष्ठानमा मृत्यु भएको छ ।
शनिबार राति साढे ११ बजे अस्पताल पुर्याइएकी विराटनगरको त्रिवेणी मार्गकी ५० वर्षीय महिलाको एक घण्टामै मृत्यु भएको अस्पतालका प्रवक्ता डा. निदेश सापकोटाले बताए ।
श्वासप्रश्वासमामा समस्या आएपछि विराटनगरस्थित न्यूरो अस्पतालले ती महिलालाई धरान रेफर गरेको थियो ।
मृतकलाई स्वासप्रश्वास, थाइराइड र मुटु सम्बन्धी समस्या रहेको डा. सापकोटाले जानकारी दिए।
विरानगरमा उपचार गर्नुअघि ती महिलाको भारतमा उपचार भएको थियो । यस सँगै विराटनगरमा मात्रै कोरोना संक्रमणका कारण मृत्यु हुनेको संख्या ७ पुगेको छ ।
प्रतिक्रिया