प्रहरी अस्पतालका डीआइजीलाई कोरोना संक्रमण

काठमाडौं । प्रहरी अस्पताल महाराजगन्जमा कार्यरत नायव प्रहरी महानिरिक्षक (डीआइजी)लाई कोरोना संक्रमण पुष्टि भएको छ ।

मातहतका प्रहरीहरुलाई संक्रमण देखिएपछि कन्ट्याक्ट ट्रेसिङका आधारमा पीसीआर परीक्षण गराउँदा एक डीआइजीलाई कोरोना संक्रमण पुष्टि भएको हो । पीसीआर रिपोर्टमा संक्रमण देखिएपनि उनलाई संक्रमणको कुनै लक्षण नदेखिएको प्रहरीले जनाएको छ । प्रहरीका अनुसार उनको अवस्था अवस्था सामान्य छ ।

नेपाल प्रहरीका प्रवक्ता एसएसपी कुवेर कठायतले प्रहरी अस्पतालका एक डीआइजीलाई कोरोना पुष्टि भएको जानकारी दिए । उनको अवस्था समान्य रहेको उनले बताए ।

अहिलेसम्म नेपाल प्रहरीका ६३० जनालाई कोरोना संक्रमण देखिएको छ । त्यसमभ्ये ३८० अहिले पनि उपचाररत छन् । २५० जना निको भएर नियमित काममा फर्किइसकेका छन् ।