काठमाडौं । कोरोना भाइरसको संक्रमणबाट मंगलबार १०१६ जना संक्रमित थपिएका छन् ।
१३ हजार ४६१ पीसीआर परीक्षणमा १०१६ जना नयाँ संक्रमित थपिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिए ।
नेपालमा कोरोना भाइरसको महामारी फैलिएसँगै यो नै एकैदिन पुष्टि भएको सर्वाधिक ठूलो संख्या हो । योसँगै नेपालमा कोरोना संक्रमितको संख्या २८ हजार २५७ पुगेको छ।
काठमाडौं उपत्यकामा २०५ जना संक्रमित थपिएका छन् ।
देशभर डिस्चार्ज हुनेको संख्या १७ हजार ५८० पुगेको छ । पछिल्लो २४ घण्टामा ८५ जना मात्र संक्रमित निको भएर घर फर्किका छन् ।
होम आइसोलेसनमा रहनेहरु २८८७ जना रहेका छन् ।
प्रतिक्रिया