बुटवल । स्थानीय तहबाट धमाधम पालिकास्तरमा लकडाउन घोषणा गर्दै गएपछि रुपन्देहीको जिल्ला स्तरिय संकट ब्यवस्थापन केन्द्रले भाद्र ७ गते सम्म जिल्लामा लकडाउन गर्ने निर्णय गरेको छ ।
जिल्लामा कोरोना संक्रमितको संख्या बढ्दै गएपछि रुपन्देही जिल्ला भरीका लागि आज देखि लकडाउन गर्ने निर्णय गरिएको हो । जिल्लामा समुदायस्तरमै कोरोना संक्रमण फैलिन थालेपछि भदौ ७ गते राती १२ बजेसम्मका लागि रुपन्देही जिल्लामा लकडाउन गरिएकोे रुपन्देहीका प्रमुख जिल्ला अधिकारी महादेव पन्थले जानकारी दिए।
यद्देपी १ उपमहागर र ४ वटा नगरपालिका सहित रुपन्देहीमा ७ वडा पालिकाहरुले यस अघि नै लकडाउन घोषणा गरिसकेका छन् ।
नेपाल सरकारले जारी गरेको स्वास्थ्य मापदण्डलाई कडाईका साथ पालना गर्ने गराउने तथा संक्रमण रोकथाम तथा नियन्त्रणका लागि तत्काल थप सर्तकता अपनाउनका लागि भदौ ७ गते सम्मका लागि अत्यावश्यक सेवा बाहेकका सबै सेवा बन्द गर्ने निर्णय भएको जिल्ला प्रशासन कार्यालय रुपन्देहीले जनाएको छ । संक्रामक रोग ऐन २०२०को दफा २ बमोजिम लकडाउनको घोषणा गरिएको प्रशासनले जारी गरेको सुचनामा उल्लेख गरिएको छ ।
प्रतिक्रिया