काठमाडौं । बिहीबार कोरोना भाइरसका ७०७ जना नयाँ सक्रमित थपिएका छन् ।
११ हजार ८ सय ३२ नमुना पीसीआर परीक्षण गर्दा ७०७ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
जसमध्ये १९२ जना महिला र ५१५ जना पुरुष रहेका छन् । यससँगै देशभर हालसम्मका संक्रमितको संख्या २९ हजार ६४५ पुगेको छ ।
काठमाडौं उपत्यकामा २०० जना संक्रमित थपिएका छन् । जसमध्ये काठमाडौंमा मात्रै १७४ जना संक्रमित पुष्टि भएको छ ।
ललितपुरमा १८ जना र भक्तपुरमा ८ जनामा संक्रमण देखिएको मन्त्रालयका प्रवक्ता प्राडा जागेश्वर गौतमले बताए ।
देशभर २६३ जना संक्रमित निको भएर घर फर्किएका छन् । हालसम्म डिस्चार्ज हुनेको संख्या १७ हजार ९ ६४ रहेको छ ।
आइसीयूमा १२९ जना रहेका छन् । भेन्टिलेटरमा ७ जना रहेका छन् ।
प्रतिक्रिया