मुख्यमन्त्री शंकर पोखरेलको पछुवा स्कर्टिङमा खटिएका ३ जना सुरक्षाकर्मीलाई कोरोना पुष्टि

बुटवल । प्रदेश ५ सरकारका मुख्यमन्त्री शंकर पोखरेलको पछुवा स्कर्टीङमा खटिने ३ जना सुरक्षाकर्मीमा कोरोना संक्रमण पुष्टि भएको छ ।

बुटवल उपमहानगरपालिका स्वास्थ्य शाखा प्रमुख कुन्दन कुमार सिंहका अनुसार ३ जना सुरक्षाकर्मीमा संक्रमण पुष्टि भएको हो ।
मुख्यमन्त्रीको स्कर्टिङमा खटिएका मध्य १ जना हवल्दार र २ जना प्रहरी जवानमा संक्रमण पुष्टि भएको र्इलाका प्रहरी कार्यालय बुटवलका प्रमुख प्रहरी नाउव उपरिक्षक प्रतितसिंह राठौरले बताए ।

राठौका अनुसार उनीहरु मुख्यमन्त्रीको स्कर्टिङमा खटिदै आएका थिए। मुख्यमन्त्री कार्यालयका कर्मचारी र सुरक्षाकर्मीहरुको पीसीआर स्वाब परीक्षण गर्ने क्रममा उनीहरुमा संक्रमण पुष्टि भएको हो ।

यसअघि ५ दिनअघि पनि इलाका प्रहरी कार्यालय बुटवलका एकजना प्रहरीमा संक्रमण देखिएको थियो। उनीहरु सबैजनालाई उपमहानगरले सञ्चालन गरेको एन्फा आइसोलेशनमा पठाइृएको डीएसपी राठौरले बताए ।