निषेधाज्ञा थप्ने विषयमा उपत्यकाका प्रमुख जिल्ला अधिकारीहरुको बैठक बस्दै

काठमाडौं । उपत्यका मेयर फोरमले निषेधाज्ञा अवधि बढाउन सिफारिस गरेको भोदि पल्ट निषेधाज्ञा सम्बन्धि निर्णय गर्न आज उपत्यकाका ३ जिल्लको प्रमुख जिल्ला अधिकारीहरुको बैठक बस्ने भएको छ ।

काठमाडौं उपत्यकाको निषेधाज्ञा थप तथा कार्यान्वयनका विषयमा थप छलफल गर्न आज काठमाडौं उपत्यकाका तीन जिल्लाका प्रमुख जिल्ला अधिकारी र सुरक्षा प्रमुखको बैठक बस्ने भएको हो । बैठकले जारी निषेधाज्ञालाई थप गर्नुका साथै उपत्यकामा जारी निषेधाज्ञालाई थप कडाइका साथ कार्यान्वयन गर्ने सम्बन्धमा निर्णय हुने बताईएको छ ।

बुधबार राति सकिन थालेको निषेधाज्ञा थप ७ दिन थप्ने औपचारिक निर्णय पनि आजै हुने अनुमान गरिएको । आजको बैठकले निषेधाज्ञालाई थप कडाइ गर्ने विषयमा ठोस निर्णय लिने अनुमान गरिएको छ ।

स्थानीय प्रशासनले भदौ ३ गते रातिदेखि काठमाडौं उपत्यकामा एक हप्ता निषेधाज्ञा लागू गरेको थियो । बुधबार रातिदेखि फेरि एक हप्ता निषेधाज्ञा थप्न मेयर फोरमको मंलबार बसेको बैठकले सिफारिस गरेको थियो ।