काठमाडौं । नेपालमा कोरोना भाइरसका संक्रमित बढ्ने रफ्तार झन पछि झन बढ्दो छ ।
संक्रमितहरु बढेपछि देशका अधिकांश जिल्लामा निषेधाज्ञा, लकडाउन लगायतका सबै उपाय अपनाइएको छ । तर पनि समुदायस्तरमा फैलिएको कोरोना संक्रमण झन बढिरहेको छ ।
बुधबार देशभर ८८५ जना नयाँ संक्रमित थपिएका छन् ।
नमुना पीसीआर परीक्षणमा ८८५ जना संक्रमित थपिएको स्वास्थ्य तथा जनसंख्या मन्त्रालयले जनाएको छ । हालसम्म संक्रमितको संख्या ३४ हजार ४११ पुगेको छ ।
देशभर सक्रिय संक्रमितको संख्या १४ हजार ७३९ रहेको छ । जसमध्ये ६ हजार २८ जना होम आइसोलेसनमा र ८ हजार ७११ जना संस्थागत आइसोलेसनमा रहेका छन् ।
प्रतिक्रिया