पोखरा स्वास्थ्य विज्ञान प्रतिष्ठानमा उपचाररत कोरोना संक्रमित पुरुषको मृत्यु

पोखरा । पोखरामा कोरोना भाइरसका संक्रमित एकजना पुरुषको मृत्यु भएको छ ।

पोखरा महानगरपालिका वडा नं. १६ निवासी ५२ वर्षीय पुरुषको पोखरा स्वास्थ्य विज्ञान प्रतिष्ठानमा उपचारककै क्रममा मृत्यु भएको हो ।

प्रतिष्ठानको कोभिड–१९ उपचार केन्द्रमा उपचाररत ती पुरुषको शुक्रबार मध्यान्न १२ः१५ बजे मृत्यु भएको प्रतिष्ठानका निर्देशक सहप्राध्यापक डाक्टर अर्जुन आचार्यले जनाएका छन् ।

श्वासप्रश्वासमा समस्या भएपछि ती पुरुष आजै मात्रै उपचारका लागि अस्पताल पुगेका थिए । उनलाई कोरोना भाइरसको संक्रमणसँगै हाइपरटेन्सन, डायविटिज मेलिटस समेत रहेको थियो ।

यससँगै प्रतिष्ठानमा कोरना संक्रमणका कारण मृत्यु हुनेको संख्या ६ पुगको छ ।