काठमाडौं । कोरोना भाइरसको संक्रमणबाट पछिल्लो २४ घण्टामा १२ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार ४ जना महिला र ८ जना पुरुषको मृत्यु भएको हो ।
मन्त्रालयका प्रवक्ता प्राडा. जागेश्वर गौतमले दिएको जानकारी अनुसार मोरङका ५६ र ६५ वर्षीया महिलाको मृत्यु भएको छ ।
भक्तपुरका ६४ वर्षीया र मकवानपुरका ७४ वर्षीया महिलाको पनि कोरोनाकै कारण ज्यान गएको छ ।
यस्तै, उदयपुरका ५२ वर्षीय पुरुष, पर्साका ७२ वर्षीय पुरुष, रुपन्देहीका ६० वर्षीय पुरुषको मृत्यु भएको छ ।
यसैगरी धनुषाका ४५ वर्षीय, सिराहाका ५५ वर्षीय, झापाका ८३ वर्षीय, चितवनका ५१ वर्षीय र कास्कीका ५२ वर्षीय पुरुषको मृत्यु भएको प्रवक्ता गौतमले बताए ।
हालसम्म देशभर १९५ जना संक्रमितको मृत्यु भएको छ । नेपालको मृत्युदर ० दशमलव ५३ प्रतिशत रहेको गौतमले जानकारी गराए ।
प्रतिक्रिया