डोटीमा एक साताको लागि निषेधाज्ञा जारी

डोटी । डोटीमा एक साताको लागि निषेधाज्ञा जारी गरेको छ । जिल्ला प्रशासन कार्यालय डोटीले जिल्लामा एक साताको लागि निषेधाज्ञा जारी गरेको हो ।

जिल्लामा कोरोना संक्रमितको सङ्ख्या बढ्दै गएपछि सम्भावित जोखिम न्यूनीकरणका लागि डोटीमा गए राति १२ बजेदेखि एक साताका लागि निषेधाज्ञा लागू गरिएको जिल्ला प्रशासन कार्यालय डोटीले जनाएको छ ।

आइतबार बसेको जिल्ला सङ्कट व्यवस्थापन समितिको बैठकले गए राति १२ बजेदेखि लागू हुने गरी एक साताका लागि जिल्लाभर निषेधाज्ञा जारी गर्ने निर्णय गरेको र सोही अनुरुप निषेधाज्ञा जारी भएको डोटीका प्रमुख जिल्ला अधिकारी भीमप्रसाद भट्टराईले जानकारी दिए ।