काठमाडौं । आफ्ना सुरक्षाकर्मीलाई कोरोना संक्रमण देखिएपछि नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड सेल्फ आइसोलेसनमा बसेका छन् ।
अध्यक्ष प्रचण्ड आइतबारदेखि आइसोलेसना बसेको उनको सचिवालयले जनाएको छ । यो प्रचण्डको दोस्रो पटकको आइसोलेसन बसाई हो ।
पछिल्लो पटक प्रचण्डको सुरक्षामा खटिएको तीन जना सुरक्षाकर्मीलाई कोरोना संक्रमण पुष्टि भएको थियो । आइसोलेसन अवधिभर प्रचण्डले कसैलाई पनि नभेट्ने बताइएको छ ।
दुई हप्ता अघि पनि प्रचण्डका ६ जना सुरक्षाकर्मीलाई कोरना देखिएपछि उनी र उनको परिवार आइसोलेसनमा बसेको थियो ।
सुरक्षाकर्मीलाई कोरोना देखिएपनि प्रचण्ड र परिवारका कोही पनि सदस्यहरुको पीसीआर रिपोर्ट नेगेटिभ आएको थियो ।
यसअघि सीसीएमसी बैठकमा चिया दिने कर्मचारीलाई कोरोना संक्रमण पुष्टि भएपछि पप्रधानमन्त्री रक्षामन्त्री इश्वर पोखरेल र गृहमन्त्री रामबहादुर थापा आइसोलेसनमा बसेका छन् । उनीहरु आइसोलेसनमा बसेकै कारण १३ गते बस्ने भनिएको नेकपा सचिवालय बैठकलाई भदौ १८ गते सारिएको थियो ।
सो बैठकमा नेकपाभित्रको विवाद समाधान कार्यदलले अध्यक्षद्वय केपी शर्मा ओली र प्रचण्डलाई बुझाएको प्रतिवेदनमाथि छलफल गर्ने बताइएको थियो ।
प्रतिक्रिया