काठमाडौं । पछिल्लो २४ घण्टामा चारवर्षीया एक जना बालिकासहित ७ जनाको मृत्यु भएको छ ।
स्वास्थ्य तथा जनसंख्या मन्त्रालयले अद्यावधिक गरेको पछिल्लो विवरणअनुसार एक बालिकासहित ३ महिला र चार जना पुरुषको मृत्यु भएको हो ।
जसमध्ये महोत्तरीका चार वर्षीया बालिका रहेकी छिन् । यस्तै, गोर्खाकी ६५ वर्षीया र रुपन्देहीकी ६८ वर्षीया महिलाको पनि कोरोना संक्रमणका मृत्यु भएको छ ।
यस्तै झापाका ८६ वर्षीय, रौतहटका ४० वर्षीय, चितवनका ७८ वर्षीय र भक्तपुरका ७७ वर्षीय पुरुषको पनि संक्रमणबाट मृत्यु भएको छ ।
यससँगै हालसम्म देशभर कोरोना संक्रमणबाट मृत्यु हुनेको संख्या २२८ पुगेको छ ।
प्रतिक्रिया