कावासोती । पूर्वी नवलपरासीमा कोरोनाबाट संक्रमितको संख्या ५ सय पुगेको छ । बिहीबार बिहान ३ जना संक्रमित थपिएसँगै जिल्लामा जम्मा संक्रमितको संख्या ५ सय पुगेको हो ।
जिल्लामा सक्रि संक्रमितको संख्या १५७ जना रहेको छ भने कोरोनालाई जितेर घर फर्किनेको संख्या ३४२ जना रहेको छ । हालसम्म १ संक्रमितको मृत्यु भएको छ ।
आज थपिनेहरुमा देवचुली वार्ड २ का ६६ वर्षीय पुरुष, कावासोती ३ का ३९ वर्षीया महिला र गैंडाकोट १३ का ३५ वर्षीय पुरुष रहेका छन् ।
थपिएका संक्रमितलाई जिल्लाको कोभिड अस्थाई अस्पतालमा लैजाने तयारी भैरहेको जिल्ला स्वास्थ्य कार्यालयले जानकारी दिएको छ ।
प्रतिक्रिया