दोहा । कतारमा कार्यरत नेपालीलाई लक्षित गरी दोहास्थित कान्तिपुर मेडिकल सेन्टरमा सस्तो दरमा पीसीआर परीक्षण सेवा सुरु गरेको छ ।
प्रवासमा रहेका नेपाली नागरिकको स्वास्थ्यलाई मध्यनजर गर्दै घर फर्किना चाहनेहरुलाई पीसीआर परीक्षण सुविधा सुरु गरिएको सेन्टरले जनाएको छ ।
पीसीआर परीक्षण गर्न ३ सेप्टेम्बर अर्थात आजैका दिनदेखि सुरु भएको छ । यसका लागि कतारी रियाल ४ सय रुपैयाँ तोकिएको छ ।
कोरोना महामारीले पारेको असविधालाई मध्यनगर गर्दै कतारस्थित नेपाली दूतावास र हमास अस्पतालसँगको समन्वयमा सहुलियत दरमा स्वास्थ्य सेवा सुरु गरिएको कान्तिपुर मेडिकल सेन्टरले जनाएको छ ।
‘अन्य संस्थाहरुले ५ सय कतारी रियाल लिने गरेका छन् , ५ जना या सो भन्दा बढीको पीसीआर टेष्ट तथा स्वास्थ्य परामर्शपत्र लिनुपरेमा सेन्टरसम्म निःशुल्क यातायातको व्यवस्था पनि गरिएको छ ‘, मेडिकल सेन्टरले भनेको छ ।
कान्तिपुर मेडिकल सेन्टरका वरिष्ठ डाक्टरहरुबाट स्वास्थ्य समेत चेकजाँच गरी यात्रा गर्नका लागि आवश्यक पर्ने स्वास्थ्य परामर्शपत्र (Fit to Travel Certificate) समेत सेन्टरले उपलब्ध गराउनेभएको छ ।
प्रतिक्रिया