वामदेवलाई राष्ट्रियसभामा नियुक्तिको सिफारिस गर्न मन्त्रिपरिषद् बैठक

काठमाडौं । वामदेव गौतमलाई राष्ट्रियसभामा राष्ट्रपतिबाट मनोनित गर्ने सदस्यमा सिफारिस गर्न मन्त्रिपरिषद्को बैठक बस्दैछ ।

बिहीबार बसेको सत्तारुढ नेपाल कम्युनिष्ट पार्टी नेकपाको सचिवलय बैठकमा प्रधानमन्त्री केपी शर्मा ओलीले गौतमलाई राष्ट्रिय सभामा लैजाने निर्णय सुनाएका थिए ।

नेकपाको गत फागुनमा बसेको बैठकले गौतलाई नियुक्तिको सिफारिस गर्न निर्णय गर्दै सरकारलाई सुझाव दिएको थियो ।

अर्थमन्त्री डा. युवराज खतिवडालाई नै राष्ट्रियसभामा ल्याउन चाहेका प्रधानमन्त्री ओलीले अन्तिममा पार्टीको पूर्व निर्णयअनुसार नै गौतमलाई राष्ट्रिय सभाको सदस्य बनाउने निस्कर्षमा पुगेका थिए ।

आजको मन्त्रिपरिषद् बैठक अर्थमन्त्री खतिवडाको अन्तिम बैठक हुनेछ । खतिवडा भोलि राति १२ बजेदेखि स्वतः पदमुक्त हुनेछन् ।