गण्डकी प्रदेशमा थप ६७ जनामा कोरोना संक्रमित पुष्टि

पोखरा । गण्डकी प्रदेशमा थप ६७ जनामा कोरोना पुष्टि भएको छ । आजको पहिलो अद्यावधिक विवरण अनुसार गण्डकीमा ६ जिल्लाका ६७ जनामा कोरोना संक्रमण पुष्टि भएको हो ।

स्याङ्जाका २२, कास्कीका २०, नवलपुरका १३, तनहुँका ७, बागलुङका ३ र लमजुङका २ जनामा पोजेटिभ देखिएको हो । संक्रमित सबैलाई आइसोलेसन कक्षमा लैजाने तयारी भैरहेको छ ।

योसहित गण्डकी प्रदेशमा कोरोना संक्रमितको संख्या २५ सय १४ पुगेको छ । तीमध्ये १७ सय ६६ जना निको भएका छन् भने १८ संक्रमितको मृत्यु भएको छ ।