बाँकेमा थपिए ३८ नयाँ संक्रमित, जम्मा संक्रमितको संख्या १२४८ पुग्यो

नेपालगन्ज । बाँकेमा पछिल्लो २४ घण्टामा ३८ जना नयाँ कोरोना संक्रमण पुष्टि भएको छ । स्वास्थ्य कार्यालय बाँकेका अनुसार ८ महिला र ३० पुरुषमा कोरोना पुष्टि भएको हो ।

कार्यालयले जानकारी दिए अनुसार आईतबार थपिएका नयाँ संक्रमितहरुमा ११ जना जिल्ला प्रहरी कार्यालयमा कार्यरत प्रहरीहरुमा संक्रमण पुष्टि भएको छ भने खजुरा गाँउपालिकाका १९ जनामा संक्रमण पुष्टि भएको छ । रिपोर्ट अनुसार कोहलपुरमा ३ जना, नेपालगन्ज उपमहानगरका २ जनामा संक्रमण पुष्टि भएको छ । पीसीआर परीक्षणमा बाजुरा, झापा र गुलरिया बर्दियाका १।१ जनामा पनि संक्रमण पुष्टि भएको स्वास्थ्य कार्यालयले जनाएको छ ।

बाँकेमा आईतबारसम्ममा १२४८ जनामा संक्रमण पुष्टि भएको छ भने ८२५ जना कोरोना मुक्त भएर घर फर्कनुका साथै ६ जनाको मृत्यु भएको छ । बाँकेमा ४१७ जनाले बिभिन्न आइसोलेसनमा बसेर उपचार गराईरहेका छन् ।