वीरगञ्ज । कोरोना संक्रमणका कारण वीरगञ्जमा थप एकजनाको मृत्यु भएको छ ।
वीरगञ्जमा उपचाररत बारा महागढिमाई नगरपालिका १० गन्जभवनीपुर टोलका ६० वर्षका पुरुषको सोमबार राति १० बजे मृत्यु भएको नारायणी अस्पतालका प्रवक्ता डाक्टर अतुलेश चौरसियाले जानकारी दिए ।
गत भदौ १४ गते ती पुरुषको स्वाब संकलन गरी परीक्षण गरिएकोमा सोही दिन उनमा कोरोना संक्रमण पुष्टि भएको थियो ।
उनको स्वास्थ्यमा समस्या आएपछि उपचारको लागि गत भदौ १४ गते नारायणी अस्थायी कोरोना विशेष हेल्थ केयर अस्पतालमा भर्ना भएका थिए ।
अस्पतालका अनुसार ती पुरुषमा कोरोनाका साथै टाइप टु डायबिटिजलगायत समस्या पनि थियो ।
प्रतिक्रिया