काठमाडौं । नेपाल कम्युनिष्ट पार्टी (नेकपा)को स्थायी समितिको बैठक स्थगित भएको १ महिना १३ दिन पछि प्रधानमन्त्री निवास बालुवाटारमा सुरु भएको छ ।
मिति तय हुने स्थगित हुने लगातारको सृङ्खला पछि पार्टीको अन्तरबिरोध समाधान गर्न बनेको कार्यदलले गरेको प्रस्तावलाई दुई अध्यक्षले परिमार्जन सहित स्थायी समितिमा पेश गरेपछि आज बैठक सुरु भएको हो ।
सरकार सञ्चालन देखि पार्टी सञ्चालनको पद्दतीका बिषयमा अध्यक्ष द्वयले प्रस्ताव पेश गरेका छन् । बैठकमा दुई अध्यक्षले प्रस्ताव गरेको प्रस्तावका बिषयमा छलफल हुने बताईएको छ ।
पार्टी श्रोतका अनुसार आजको बैठकमा प्रधानमन्त्री ओली आफ्ना भनाईहरु राखेर बाहिर निस्केका छन् । बैठक सुरुभए लगत्तै आफ्ना भनाई राख्दै सहमतिमै प्रधानमन्त्री बाहिरिएका छन् । अर्का अध्यक्ष प्रचण्डको अध्यक्षतामा बैठक चलिरहेको छ ।
अध्यक्षद्वले तयार पारेको प्रस्तावमा वरिष्ठ नेता माधवकुमार नेपालको पनि सहमति रहेपछि स्थायी समिति बैठक आजै सक्ने गरी तयारी गरिएको नेकपा स्रोतले जनाएको छ।
प्रतिक्रिया