बुटवल । नेपाल सरकारले प्राथमिकतामा राखेका मुख्य ८ दिर्घ रोग भएका उपमहानगरबासीलाई निशुल्क पीसीआर गरिदिने भएको छ । सरकारले प्राथमिकतामा राखेको ८ प्रकारका रोगहरु मध्ये कुनै पनि रोग लागेका बिरामीको निशुल्क पिसिआर परिक्षण हुने बुटवल उपमहानगरले जनाएको छ ।
उपमहानगरका अनुसार नेपाल सरकारबाट तोकिएका रोगहरु क्यान्सर, मृगौलाको डायलाइसिस गर्नुपर्ने विरामी, मुटु रोग, पार्किन्सन्स, अल्जाइमर, हेड इन्जुरी, स्पाइनल इन्जुरी र सिकलसेल एनिमियाबाट पिडित बुटवल उपमहानगरपालिका भित्र बसोबास गर्ने नगरबासिहरुलाई पीसीआर परीक्षणमा शुल्क लाग्ने छैन । यसरी शुल्क मिनाहा लिनका लागि सम्बन्धित वडा कार्यालयको सिफारीस भने अनिवार्य हुने छ ।
उल्लेखित रोग भएका नगरबासीलाई सम्बन्धित वार्ड कार्यालयका कर्मचारीहरुलाई सम्पर्क गर्न समेत उपमहानगरले आग्रह गरेको छ ।
प्रतिक्रिया