काठमाडौं । केही दिन अघि कोरोना भाइरसको संक्रमण पुष्टि भएका काँग्रेस महामन्त्री शशांक कोइराला अस्पताल भर्ना भएका छन् ।
आफ्नै घरमा आइसोलेसनमा बसेका महामन्त्री कोइरालालाई अकस्मात ज्वरो आएपछि अस्पताल भर्ना गरिएको हो ।
त्यसअघि कोइरालालाई कोरोनाको कुनै लक्षण देखिएको थिएन ।
कोइरालालाई १०३ डिग्री फरेनहाइट ज्वरो आएपछि ओम अस्पताल भर्ना गरिएको उनको सचिवालयले जनाएको छ ।
कोइरालालाई निमोनियाको लक्षण देखिएको तर पछिल्लो स्वास्थ्य अवस्था सुधारोन्मुख रहेको ओम अस्पतालले जनाएको छ ।
महामन्त्री कोइरालालाई भदौ २३ गते कोरोना संक्रमण पुष्टि भएको थियो ।
प्रतिक्रिया