कञ्चनपुर । सुनका गरगहनाको ओसारपसारमा संलग्न दुई जनालाई कञ्चनपुर प्रहरीले पक्राउ गरेको छ ।
इलाका प्रहरी कार्यालय त्रिभुवनवस्ती कञ्चनपुरबाट खटिएको संयुक्त प्रहरी टोलीले पुनर्वास नगरपालिका वडा नम्बर ११ डोकेबजारस्थित सीमानाका क्षेत्रबाट ती दुई जनालाई पक्राउ गरेको हो ।
पक्राउ पर्नेमा डाटीको केआई सिंह गाउँपालिका वडा नं. २ बस्ने २२ वर्षीय मोहन कामी र सोही गाउँका १९ वर्षीय सुनिल भुजेल रहेका छन् ।
उनीहरुको साथबाट ४४० ग्राम ६३० मिलिग्राम तौलका विभिन्न किसिमका तयारी सुनका गरगहना बरामद् गरेको प्रहरीले जनाएको छ ।
दुवैजनामाथि थप अनुसन्धान भैरहेको कञ्चनपुर प्रहरीले जनाएको छ ।
प्रतिक्रिया