रुपन्देहीको सैनामैनामा सवारी दुर्घटनामा एक जनाको मृत्यु

बुटवल । रुपन्देहीको सैनामैनामा सवारी दुर्घटनमा १ जनाको ज्यान गएको छ ।

सैनामैना नगरपालिका वार्ड नम्बर १ अन्तर्गत पुर्वपश्चिम राजमार्गमा पुर्वबाट पश्चिम तर्फ जाँदै गरेको लु ४२ प ८२०८ नम्बरको मोटरसाईकलले पैदल यात्रुलाई ठक्कर दिँदा घाईते भएका सुद्धोदन गाँउपालिका १ का ५२ वर्षिय रामजिवन चौधरीको ज्यान गएको हो ।

सैनामैनाको वर्माचौकमा साँझ ७ः२० को समयमा मोटरसाईकलले ठक्कर दिए लगत्तै चौधरीलाई उपचारका लागि बुटवल स्थित लुम्बिनी प्रादेशिक अस्पताल पु¥याईएको थियो । अस्पताल पु¥याएको कहिबेरमा अस्पतालले उनको मृत्युको घोषणा गरेको थियो । ठक्कर दिने मोटरसाईल र चालक प्रहरीको नियन्त्रणमा रहेको प्रहरीले जनाएको छ ।