काठमाडौं । कोरोना भाइरसको हाइप्रोफाइल आतंक बालुवाटारपछि सर्वोच्च अदालतमा प्रवेश गरेको छ । सर्वोच्च अदालतका न्यायाधीश र केही कर्मचारीहरुमा कोरोना पुष्टि भएको छ।
सर्वोच्चमा सङ्क्रमणका कारणले केही न्यायाधीश अहिले होम आइसोसनमा रहेका छन् । सर्वोच्चमा एकल, संयुक्त र बृहत् इजलास सञ्चालन हुँदै आएका थिए ।
प्रशासनले विज्ञप्ति जारी गर्दै भनेको छ, ‘यस अदालतका माननीय न्यायाधीशज्यूलगायत केही अधिकृत र कर्मचारीहरु कोरोना भाइरसबाट संक्रमित हुनुभएको र संक्रमित एवं त्यसबाट प्रभावित माननीय न्यायाधीशज्यूहरु तथा कर्मचारीहरु होम क्वारेन्टिन/सेल्फ आइसोलेसनमा रहनुभएको व्यहोरा सम्बन्धित सबैमा सूचित गरिएको छ।’
न्यायाधीसलाई नै कोरोना संक्रमण थप फैलिन नदिन सर्वोच्च अदालतमा आइतबार एकल इजलास मात्रै गठन भएका छन् । आज प्रधानन्यायाधीश चोलेन्द्रशमशेर जबरा र अर्का न्यायाधीश डा मनोजकुमार शर्मा मात्र आएका छन् ।
आज न्यायाधीश डा शर्माको एकल इजलास मात्र सञ्चालनमा रहेको देवेन्द्र दाहालले जानकारी दिए । सहप्रवक्ता दाहालले एकल इजलासबाट रिट निवेदन, प्रारम्भिक सुनुवाइ हुने खालका र नगरी नहुने निवेदनको मात्र सुनवाइ हुने बताए।
यसअघि प्रधानमन्त्री केपी शर्मा ओलीका ३ सल्लाहकार, एक निजी सचिव, अर्का सचिवालय सदस्य र ६६ जना सुरक्षाकर्मीसहित ७१ जनालाई कोरोना संक्रमण पुष्टि भएको थियो ।
प्रतिक्रिया