काठमाडौं । काठाडौंको ताहाचलस्थित वैदेशिक रोजगार कार्यालयले आजबाट पुनः श्रमस्वीकृति सेवा सुचारु गरेको छ ।
कार्यालयका एक कर्मचारीलाई कोरोना संक्रमण भएपछि गत बुधबारदेखि श्रम स्वीकृति लगायत सबै सेवा बन्द गरिएको थियो ।
श्रम स्वीकृति बन्द गरिँदा वैदेशिक रोजगारीमा जाने श्रमिकहरुलाई समस्या भएको थियो ।
भिसाको म्याद सकिन लागेका र तत्कालै श्रम गन्तव्य देशमा पुग्न चाहने श्रमिकहरु श्रम कार्यालय बन्द हुँदा मर्कामा परेका थिए ।
तर, ती श्रमिकहरुलाई ध्यामा राखेर आजबाट पुनः सेवा सुचारु गरिएको कार्यालयले जनाएको छ।
यद्यपी, कार्यालयमा जनस्वास्थ्य मापदण्डलाई कडाइकासाथ पालना गर्नुपर्ने नियम लगाइएको छ ।
सेवा लिन आउनेले सामाजिक दूरी पालना गर्नुपर्ने, कार्यालयले लगाएको गोलो चिन्हमा उभिनुपर्ने र त्यसअघि साबुमन पानीले राम्रोसँग हात धुन अनिवार्य गरिएको छ ।
प्रतिक्रिया