काठमाडौं । कारोना भाइरस संक्रमणपछि उपचारका लागि अस्पताल भर्ना भएका अमेरिकी राष्ट्रपति डोनाल्ड ट्रम्प डिस्चार्ज भएका छन ।
विगत ३ दिनदेखि वासिंगटन डिसीस्थित वाल्टर रीड नेशनल मिलिटरी मेडिकल सेन्टरमा उपचाररत राष्ट्रपति ट्रम्प गएराती अस्पतालबाट डिस्चार्ज भएका हुन ।
यसअघि ह्वाइट हाउसका चिकित्सक डाक्टर सीन कनले ट्रम्पको स्वास्थ्यमा सुधार आएकाले अस्पतालबाट डिस्चार्ज गर्न मिल्ने बताएका थिए ।
डा। कनका अनुसार ट्रम्प पुरै रुपमा निको नभएपनि ह्वाइट हाउस फर्कनका लागि उनी सुरक्षित छन । राष्ट्रपति ट्रम्प मरिन वान हेलिकप्टरबाट ह्वाइट हाउस फर्किएका हुन । उनको थप उपचार अब ह्वाइट हाउसमै हुने चिकित्सकहरुले बताएका छन ।
अमेरिकी राष्ट्रपति डोनाल्ड ट्रम्पले अस्पतालबाट निस्कनुअघि ट्विट गर्दै भनेका थिए, “चुनावी प्रचार प्रसार छिट्टै सुरु गर्नेछु । झुट्टा समाचार दिने सञ्चार माध्यमहरुले त्यस्तै झुट्टा भोटिङ पोल मात्रै देखाउँछन ।” यसको केही घण्टा अगाडी ट्रम्पले सोमबार साँझ अस्पतालबाट विदा लिंदैछु भनेर ट्विट मार्फत भनेको बिबिसीले जनाएको छ ।
प्रतिक्रिया