बुटवल । सोमबार प्रदेशको राजधानी रुपन्देहीबाट सार्ने प्रदेश ५ सरकारको प्रस्ताव बिरुद्धको धर्ना कार्यक्रममा भाषण गरेका तिलोत्तमा नगरपालिकाका नगर प्रमुख बासुदेव घिमिरेलाई कोरोना संक्रमण पुष्टि भएको छ ।
मंगलबार बिहान सम्मपनि जनकार्यमा र बुटवलमा भएको आन्दोलनमा सक्रिय रहेका घिमिरेलाई मंगलबार साँझ कोरोना संक्रमण पुष्टि भएको हो ।
नगर प्रमुख आफैले आफ्नो फेसबुक वालमा आफुलाई कोरोना संक्रमण पुष्टि भएको खुलासा गर्दै बिगत केहि दिनदेखि आफ्नो सम्पर्कमा रहेकाहरुलाई सावधानी अपनाउन आग्रह गरेका छन् । कुनै लक्षण नदेखिएको उनलाई एक्कासी मंगलबार बिहान सामान्य कोरोनासँग मिल्दो लक्षण देखिएपछि घिमिरेले पीसीआर परीक्षण गराएका थिए । उनी होम आइसोलेसनमा बसेको र स्वास्थ्य अवस्था सामान्य रहेको घिमिरेले बताए ।
प्रतिक्रिया