५ असार २०८१, बुधबार | June 20, 2024

प्राज्ञिक क्षमता माथि पक्षपात गर्दिन : उपकुलपति अर्याल



पोखरा । पोखरा विश्वविद्यालयका नवनियुक्त उपकुलपति प्रा डा प्रेमनारायण अर्यालले प्राज्ञिक क्षमता माथि पक्षपात नगरी अघि बढ्ने बताएका छन् ।

प्रजातान्त्रिक प्राध्यापक संघ पोखरा विश्वविद्यालयद्वारा मंगलबार यहाँ आयोजित स्वागत कार्यक्रममा उनले विश्वविद्यालयमा चुनौती र सम्भावना दुबै देखेको बताउँदै चुनौतीको सामना गर्दै सम्भावनालाई यथार्थमा परिणत गर्न पूर्व पदाधिकारी, प्राध्यापक, कर्मचारी र विद्यार्थी सबैबाट रचनात्मक सहयोगको अपेक्षा राखेको उल्लेख गरे ।

आफ्नो जीवनको अनुभव पोखरा विश्वविद्यालयको उन्नयनमा खन्याउन आँफू आतुर रहेको बताउँदै उनले विश्वविद्यालयको दीर्घकालीन र अल्पकालीन नीति बनाएर अघि बढ्ने जानकारी दिए ।

विश्वविद्यालयका अधुरा काम सम्पन्न गर्दै यसको विकास गर्ने जिम्मेवारी आफ्नो काँधमा आएको र सो जिम्मेवारी पुरा गर्न दृढ सङ्कल्पित भएको उनले बताए ।

एक्लो व्यक्तिले केही गर्न नसक्ने हुनाले सबैको सहयोग प्राप्त गर्ने अपेक्षा व्यक्त गर्दै उपकुलपति अर्यालले आगामी चार वर्ष पोखरा विश्वविद्यालय बाहेक अन्य कतै आफ्नो ध्यान नलगाउने प्रतिवद्धता व्यक्त गरे ।

पोखरा विश्वविद्यालय व्यवस्थापन सङ्कायका डिन डा हरिबहादुर खड्काले लामो समय पदाधिकारी रिक्त भएकाले विश्वविद्यालय ठूलो समस्यामा फस्दै गएकाले ती समस्या समाधान गर्न सबैले दोब्बर समय दिएर काम गर्नुपर्नेमा जोड दिए ।

विश्वविद्यालयका पूर्व उपकुलपति प्रा डा विष्णुराज तिवारीले विश्वविद्यालयमा देखिएका समस्यालाई प्राज्ञिक हिसाबले समाधानका लागि अघि बढ्न उपकुलपति अर्याललाई सल्लाह दिए ।

कार्यक्रममा विश्वविद्यालयका कार्यकारी परिषद्का प्रा डा अजय थापा, प्रजातन्त्रवादी प्राध्यापक संघका सभापति सञ्जीव थापा लगायतले विश्वविद्यालयमा विद्यमान समस्याको समाधानका लागि उपकुलपतिलाई सहयोग गर्न प्रतिबद्ध रहेको उल्लेख गरे । रासस

प्रकाशित मिति : २१ आश्विन २०७७, बुधबार  ७ : १९ बजे

गोली चलेको २ दिन पछि प्रहरीलाई सूचना, पाल्पामा भरुवा बन्दुक सहित एकजना पक्राउ

पाल्पा । पाल्पा प्रहरीले भरुवा बन्दुक सहित १ जनालाई पक्राउ

गृहसचिव अर्याल र सिचुवान प्रान्तका भ्वाइस गभर्नर हान्बिङबीच भेट

काठमाडौं । गृहसचिव एकनारायण अर्याल र चीनको सिचुवान प्रान्तका भ्वाइस

बुटवलको मुख्य प्राथमिकता शिक्षा, स्वास्थ्य, सीप तथा रोजगारी (पूर्णपाठसहित)

बुटवल । बुटवल उपमहानगरपालिकाले आगामी आर्थिक वर्ष २०८१/८२ का लागि

शुक्र हाउस डाईग्नोस्टिक एण्ड वेलनेश सेन्टर प्रा.लि र प्रभु बैंकबीच विशेष छुट सम्झौता

काठमाडौ । पानीपोखरी स्थित शुक्रा हाउस डाईग्नोस्टिक एण्ड वेलनेश सेन्टर

सूर्य नेपाल प्रिमियर गल्फको दोस्रो दिन, भुवन र दिनेश संयुक्तरुपमा शीर्षस्थानमा

काठमाडौ । सूर्य नेपाल गल्फ टुर २०२३-२४ को अन्तिम प्रतियोगिता