मुम्बई पुलिसले भारतको रिपब्लिक टेलिभिजन च्यानलसहित अन्य दुई च्यानलले पैसा दिएर टीआरपी (टेलिभिजन रेटिङ प्वाइन्टस्) बढाउने -याकेटको पर्दाफास गरेको छ ।
रिपब्लिक टिभीले भारतभित्र र बाहिरका समाचारमा फेक न्यूज चलाउने काममा बद्मान रहेको छ ।
सत्ताधारी बीजेपी र आरएसएसको गुणगान गाउने रिपब्लिक टिभीका प्रस्तोता अर्नव गोश्वामी भारतीय टेलिभिजन एन्करहरुमा समेत सबैभन्दा बद्नाम रहेका छन् ।
भारतले नेपालको भूमि अतिक्रण गरेको विषयमा नेपाल विरुद्ध रिपब्लिक टिभी र यसका प्रस्तोता गोश्वामीले अनर्गल प्रचार फैलाएका थिए ।
मुम्बई पुलिसका कमिश्नर परमवीर सिंहले बिहीबार पत्रकार सम्मेलन गर्दै रिपब्लिक सहित अन्य दुई मराठी टिभी च्यानलले समेत टीआरपी बढाउन पैसा दिने गरेको जनाएका छन् ।
उनका अनुसार पुलिसलाई अहिलेसम्म टीआरपी बढाउने -याकेटमा संलग्न ३ च्यानलको बारेमा मात्रै पत्ता लागेको छ । थप अनसन्धान भैरहेको छ । उनका अनुसार रिपब्लिक टिभीले टीआरपी सिस्टममा छेडछाड गरेको पाइएको छ ।
यससम्बन्धमा रिपब्लिक टिभीले अहिलेसम्म कुनै प्रतिक्रिया दिएको छैन । दुई मराठी टिभीका मालिकलाई भने पक्राउ गरिएको छ ।
पुलिसका अनुसार आम मानिसलाई आफ्नो घरमा कुनै विशेष च्यानल टिभीमा लगाउनका लागि करिब ४००-५०० रुपैयाँ हरेक महिना दिइन्थ्यो । पुलिस कमिश्नरले च्यानलका जिम्मेवार मानिस विरुद्ध कारवाही हुने स्पष्ट पारेका छन् । संयुक्त आयुक्त लेभलका एक अफिसरले यस मामिलामा जाँच गरिरहेका छन् ।
प्रतिक्रिया