आजको मौसम : देशभर आंशिक बदली, एक दुइ स्थानमा हल्का वर्षाको सम्भावना

काठमाडौं । हाल देशभरको मौसम सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो देशभर आंशिक बदली रहने साथै प्रदेश १ को एक/दुई स्थानहरूमा हल्का वर्षाको सम्भावना रहेको मौसम पूर्वानुमान महाशाखाको अनुमान छ ।

भोलि र पर्सि देशभर आंशिकदेखि सामान्य बदली रही एक/दुई स्थानहरूमा हल्का वर्षाको सम्भावना छ ।

पहाडी भू-भागहरूमा आंशिक बदली रही बाँकी भू-भागको मौसम सामान्यतया सफा रहने छ ।