काठमाडौं । सरकार र अनसनरत डाक्टर गोविन्द केसीबीच सहमति भएपछि नेपाल चिकित्सक संघले आन्दोलनका सबै कार्यक्रम फिर्ता लिएको छ ।
डा. केसीको जीवनरक्षा र माग पुरा गराउन दबाबस्वरुप चिकित्सक संघ विगत केही दिनदेखि आन्दोलनमा रहेको थियो । संघले यसअघि आकस्मिक र कोभिड बाहेकका सबै सेवा बहिस्कार गर्ने निर्णय गरेको थियो ।
सरकार र डा. केसीबीच गए राति ८ बुँदे सहमति भएको छ । सहमतिपछि केसीले अनसन तोड्दैछन् ।
संघका आजीवन सदस्य डा. केसीबीच सहमति भैसकेकेपछि आन्दोलन फिर्ता लिइएको महासचिव बद्रि रिजालले विज्ञप्ति जारी गर्दै जनाएका छन् ।
विज्ञप्तिमा भनिएको छ, ‘यस संघका आजीवन सदस्य प्राध्यापक डा। गोविन्द केसीको १९ औं आमरण अनशनका सम्बन्धमा मिति २०७७ आश्विन २४ गते राति नेपाल सरकार र डा. केसीबीच सम्झौता भएकाले संघद्वारा घोषणा गरिएका सम्पूर्ण आन्दोलनका कार्यक्रमहरु फिर्ता लिएको व्यहोरा यसै विज्ञप्तिमार्फत् जानकारी गराइन्छ ।’
प्रतिक्रिया