काठमाडौं । दैनिक हजारौंको संख्यामा कोरोना भाइरसका संक्रमित थपिने क्रम निरन्तर जारी छ ।
आइतबार भाइरसका २ हजार ७१ जना नयाँ संक्रमित थपिएका छन् । आइतबार पीसीआर परीक्षण घटेको छ । जसका कारण संक्रमित पनि कम नै देखिएका छन् ।
१२ हजार ४२७ पीसीआर परीक्षण गर्दा २ हजार ७१ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
मन्त्रालयमा आयोजित नियमित कोरोना ब्रिफिङमा प्रवक्ता प्राडा जागेश्वर गौतमले दिएको जानकारी अनुसार अहिलेसम्म २ हजार ७१ जनामा संक्रमण पुष्टि भएको छ ।
आइतबार देशभर सक्रिय संक्रमितको संख्या ३१ हजार ३१५ रहेको छ । संस्थागत आइसोलेसनमा १३ हजार ६४९ जना रहेका छन् । यस्तै, होम आइसोलेसनमा १७ हजार ६६६ जना रहेका छन् ।
पछिल्लो २४ घण्टामा १ हजार ५५३ जना संक्रमण मुक्त भएर डिस्चार्ज भएका छन् । हालसम्म डिस्चार्ज हुनेको संख्या ७५ हजार ८०७ पुगेको छ ।
प्रतिक्रिया