आजको मौसम : अधिकांश ठाउको मौसम सफा, केही क्षेत्रमा सामान्य बदलीसहित हल्का वर्षाको सम्भावना

काठमाडौं । हाल बंगालको खाडीको मध्यपश्चिमभागमा शक्तिशाली निम्न चापीय क्षेत्र कायमै रहेको छ । उक्त निम्न चापीय क्षेत्र अझै शक्तिशाली हुँदै पश्चिम हुँदै उत्तरपश्चिमी दिशा तर्फ सर्दै जाने देखिन्छ ।

हाल देशका पहाडी भू-भागमा आंशिक बदली रहेको छ । बाँकी भू-भागहरूमा मौसम सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो प्रदेश १, बागमती र गण्डकी प्रदेशका पहाडी भू-भागमा आंशिकदेखि सामान्य बदली हुनेछ । त्यस्तै देशका बाँकी भू-भागमा मौसम सामान्यतया सफा रहनेछ । प्रदेश १, बागमती र गण्डकी प्रदेशका थोरै भू-भागका एक, दुई स्थानमा हल्का वर्षाको सम्भावना रहेको विभागले छ ।

त्यसैगरी आज राती प्रदेश १ र गण्डकी प्रदेशका पहाडी भू-भागमा आंशिक देखि सामान्य बदली हुनेछ । त्यस्तै देशका बाँकी भू-भागमा मौसम सामान्यतया सफा रहने जल तथा मौसम विज्ञान विभागले जनाएको छ ।