बुटवल । प्रदेशमा लोक सेवा आयोग स्थापनि भएपछि पहिरो पटक लुुम्बिनी प्रदेश लोक सेवा आयोग बुटवलले स्वास्थ्य र इन्जिनीयरिङतर्फ विज्ञापन प्रकाशन गर्दै कर्मचारी माग गरेको छ ।
आयोगले प्रकाशन गरेको कर्मचारी माग सम्बन्धि सुचनामा स्वास्थ्यको आठौं तहतर्फ ४९ जना र सातौंतर्फ १५ जनाको कर्मचारी माग गरेको हो । आयोगले सातौंतर्फ नर्सिङ, फिजियोथेरापिस्ट, ल्याब टेक्नोलोजिस्ट माग गरेको छ ।
आयोगले बुधबार जारी गरेको सुचना अनुसार इन्जिनीयरिङतर्फ ३२ जना आठौं तहका कर्मचारी माग गरिएको छ । इन्जिनियरतर्फ सिभिल हाइवे, सिभिल जनरल, आर्किटेक इन्जिनीयर लगायतका पदमा कर्मचारी माग गरिएको लुम्बिनी प्रदेश लोक सेवा आयोगका प्रवक्ता सुुर्यप्रसाद भुुषालले जानकारी दिए ।
भुषालका अनुसार निवेदन दिने अन्तिम म्याद कात्तिक १८ गतेसम्मका लागि राखिएको छ । ईच्छुक नागरिकले दोब्बर दस्तुुर तिरेर कात्तिक २५ गतेसम्म निवेदन दिन सक्ने सुचनामा उल्लेख गरिएको छ ।
लुम्बिनी प्रदेशका सबै क्षेत्रमा दरबन्दी अनुुसारका कर्मचारी छैनन् ।
प्रतिक्रिया