नेपालगन्ज । बाँकेमा थप १ जना कोरोना संत्रमितको मृत्यु भएको छ । भेरी अस्पतालमा उपचाररत जानकी गाँउपालिका ६ प्रजातीपुरका ६५ वर्षिय पुरुषको बुधबार राती १० बजे मृत्यु भएको स्वास्थ्य कार्यालय बाँकेले जनाएको छ ।
गत असोज २६ गते कोरोना संक्रमण पुष्टि भएपछि २७ गतेबाट उनी भेरी अस्पताल नेपालगन्जमा भर्ना भएका थिए । उनको उपचारका क्रममा एन्टिवायोटिक, रेडमिसिबिर, प्लाज्मा थेरापीको प्रयोग गर्दापनि बचाउन नसकिएको बाँके जिल्ला कोभिड १९ बिपद ब्यवस्थापन केन्द्रका कोरोना फोकल पर्शन नरेश श्रेष्ठले बताए ।
बुधबार राती मृत्यु भएसँगै बाँकेमा मृत्यु हुनेको संख्या २७ पुगेको छ ।
बाँकेमा आजै ६४ जना आइसोलेसन अवधी पुरा गरेर घर फर्केका छन् । स्वास्थ्य मन्त्रालयको मापदण्ड अनुसार १४ दिन सम्म कुनै लक्षण नदेखिएपछि उनीहरुलाई थप ७ दिन क्वारेन्टिनमा बस्ने गरि घर पठाईएको फोकलपर्शन श्रेष्ठले बताए ।
प्रतिक्रिया