बुटवल । व्यवसायीक खेलाडी उत्पादन गर्ने लक्ष्यका साथ बुटवलमा खस्यौली स्नोकर क्लब संचालनमा ल्याईएको छ ।
यस क्षेत्रका ६ जना युवा मिलेर संचालनमा ल्याईएको क्लवको सोमवार एक समारोहका बीच स्नोकरका राष्ट्रिय खेलाडी रेगन श्रेष्ठ र हिमालय रोडिज ३ का विजेता सुजन सुवेदीले संयुक्त रुपमा खस्यौली स्नोकर क्लबको शुभारम्भ गरेका हुन ।
युवा युवतीलाई कुलतवाट जोगाउन र व्यवसायीक स्नोकर खेलाडी उत्पादन गर्ने सोचका साथ क्लब संचालनमा ल्याएको अध्यक्ष सुजन पुनले बताए । क्लबमा विद्यालय तथा कलेजको ड्रेसमा आउने विद्याथीलाई र लागुऔषधि प्रयोग कर्तालाई प्रवेशमा रोक लगाउन जिल्ला स्नोकर संघका उपाध्यक्ष बविन थापाले आग्रह गरे ।
त्यस्तै स्नोकर खेललाई व्यवसायीक बनाउन र यस खेलवाट नेपालको नाम परिचित गराउनका लागि प्रहरी प्रशासनले हेर्ने द्धष्टिकोणमा अझै परिवर्तन जरुरी रहेको पनि सो अवसरमा वोल्नेहरुले औल्याएका थिए ।
पुन सहित, गणेश घिमिरे, रमेश न्यौपाने, प्रदिप बिक, सुनिल क्षेत्री र ईसारअहमद खाँनको कुल १ करोडको लागतमा बुटवलको सिंह कम्पेलसको चौथो तलामा संचालनमा ल्याईएको क्लबले यस क्षेत्रमै पहिलो र नमूना योग्य कोर्ट बनाएको कार्यक्रममा बोल्नेहरुले धारणा राखेका थिए ।
६ वटा कोर्ट सहित संचालनमा आएको खस्यौली स्नोकर क्लब यस क्षेत्रको २९ औ स्नोकर क्लवका रुपमा संचालनमा आएको हो ।
प्रतिक्रिया