१६ चैत्र २०८०, शुक्रबार | March 29, 2024

आईपीएल २०२० : चेन्नईसँग कोलकाता पराजित, प्ले अफ पुग्न कठिन



काठमाडौं । युएइमा जारी १३ औं संस्करणको इन्डियन प्रिमियर लिग (आईपीएल) २०२० अन्तर्गत चेन्नइ सुपर किङ्स विजयी भएकाे छ । बिहीबार राति सम्पन्न खेलमा चेन्नइले कोलकाता नाइट राइडर्सलाई ६ विकेटले पराजित गरेकाे हाे । चेन्नइसँग पराजित भएसँगै काेलकाताकाे प्लेअफमा पुग्ने सम्भावना कमजाेर बनेकाे छ ।

१ सय ७३ रनकाे लक्ष्य पछ्याएकाे चेन्नइले अन्तिम बलमा पुरा गर्याे । चेन्नइकाे जितमा रितुराज गयाकवाड नायक बने । उनले ५३ बलमा २ छक्का र ६ चाैकाकाे मद्तमा ७२ रन जाेड्दै टाेलीकाे स्काेर १ सय ४० रनसम्म पुर्याए । यस्तै, अम्बाती रायुडुले ३८ तथा सेन वाट्सनले १४ रन बनाए भने रविन्द्र जडेजा र साम कुरानले अटआउट ३१ र १३ रनकाे याेगदान दिए ।

जितका लागि १२ बलमा ३० रन चाँहिएकाे अवस्थामा रविन्द्र जडेजाले १९औं ओभरकाे चाैथाे, पाँचाै र छैटाैं बलमा ४,६ र ४ रन प्रहार गर्दै जित नजिक ल्याइ पुर्याए । यस्तै अन्तिम ओभरकाे दाेस्राे साम करनले एक रन २ तथा तेस्राे बलमा एक रन लिँदै जडेजलाई स्ट्राइक दिए । जडेजाले चाैथाे बललाई खेल्न सकेन भने पाँचाैं बलमा छक्का हिर्काउँदै स्काेर बराबरीमा ल्याए । यस्तै अन्तिम बलमा पुनः छक्का प्रहार गरेपछि ६ विकेटकाे सहज जित हासिल गर्याे ।

यसअघि, दुबइ अन्तर्राष्ट्रिय क्रिकेट स्टेडियममा टस हारेर पहिले ब्याटिङको निम्तो पाएको कोलकाताले निर्धारित २० ओभरमा पाँच विकेटको क्षतिमा १ सय ७२ रन बनाएको थियो । कोलकाताका लागि नितिश राना र शुभमन गिलले राम्रो सुरुवात दिलाएका थिए । उनीहरुले पहिलो विकेटका लागि ५३ रनको अर्धशतकीय साझेदारी गरे । रानाले ६१ बदमा ४ छक्का र १० चौकाको मद्धतमा सर्वाधिक ८७ रन बनाए ।

यसैगरी, शुभमन गिलले २६, राहुल त्रिपाठीले नटआउट २१ ,कप्तान इयान मोर्गानले १५, रिन्कु सिंहले ११ तथा सुनिल नारायनले ७ रन जोडे ।

चेन्नइसँग पराजित भएकाे काेलकाताकाे प्लेअफमा पुग्ने सम्भावना न्यून बनेकाे छ । यदि काेलकाताले अन्तिम खेलमा राजस्थान राेयल्सलाई पराजित गरेमा पनि बाँकि टाेलीकाे नतिजालाई कुर्नुपर्ने हुन्छ ।

१३ खेलबाट १२ अंक जाेडेकाे काेलकाता पाँचाैं स्थानमा यथावत रहेकाे छ भने पुछारमा रहेकाे चेन्नइकाे पनि १० अंक भएकाे छ ।

प्रकाशित मिति : १४ कार्तिक २०७७, शुक्रबार  ६ : १५ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको