जनकपुर । सेवाग्राहीबाट घुस लिएको आरोपमा प्रदेश नम्बर २ मा नेपाल प्रहरीका सई र सशस्त्र प्रहरीका जवान पक्राउ परेका छन् ।
यसरी पक्राउ पर्नेहरुमा सप्तरीका प्रहरी नायब निरीक्षक (सई) सिकन्दर प्रसाद कानु र महोत्तरीका सशस्त्र प्रहरी जवान उमेश चौहान रहेका छन् ।
सप्तरीको इलाका प्रहरी कार्यालय तिलाठीमा कार्यरत सई कानु ५० हजार घुससहित पक्राउ परेका हुन् भने महोत्तरीको गौशाला नगरपालिका रामनगरस्थित सशस्त्र प्रहरी बल, सुरक्षा बेस क्याम्पमा कार्यरत चौहानलाई करिब १८ हजार रुपैयाँसहित पक्राउ गरिएको हो ।
उनीहरु दुबै घुस लिएको आरोपमा रङ्गेहात पक्राउ गरेको अख्तियार दुरुपयोग अनुसन्धान आयोग बर्दिवासले जनाएको छ ।
प्रतिक्रिया