२९ माघ २०८१, मंगलबार | February 12, 2025

आईपीएल २०२० : बेङ्गलोरलाई ६ विकेटले पराजित गर्दै दिल्ली क्वालिफायरमा



काठमाडौं । इन्डियन प्रिमियर लिग (आईपीएल २०२०) मा दिल्ली क्यापिटल्स विजयी भएको छ ।

सोमबार राति सम्पन्न खेलमा दिल्लीले रोयल च्यालेञ्जर्स बेङ्गलोरलाई ६ विकेटले पराजित गरेको हो । जितसँगै दिल्लीले क्वालिफायरमा मुम्बइसँगको भेट पक्का गरेको छ ।

१ सय ५३ रनको लक्ष्य पछ्याएको दिल्लीले १९ ओभरमा भेट्टाएको थियो । दिल्लीको जितमा शिखर धवन र अजिङ्क्य रहानेले अर्धशतकीय पारी खेले । धवनले ४१ बलमा ५४ तथा रहानेले ४६ बलमा ६० रन बनाए ।

यस्तै मर्कूस स्टाेइनिस र ऋषभ पन्तले नटआउट १० र ८ रनकाे पारी खेले भने कप्तान श्रेयासले ७ रन बनाएका थिए । यसअघि, अबुधाबीस्थित शेख जायद स्टेडियममा टस हारेर ब्याटिङको निम्तो पाएको बेङ्गलोरले ओपनर देवदत्त पडिक्कलको अर्धशतकीय पारीको मद्धतमा १ सय ५२ रन बनाएको थियो ।

बेङ्गलोर पडिक्कलले ५०, एबी डि भिलियर्सले ३५, विराट कोहलीले २९, शिभम् दुबेले १७ तथा जोस पिलिपले १२ रन जोडे । मध्यम सुरुवात गरेको बेङ्गलोरले ४.१ ओभरमा अष्ट्रेलियन ब्याट्सम्यान फिलिपलाई १२ रनमा गुमाएको थियो । तेस्रो नम्बरमा आएका कप्तान कोहलीले पडिक्कलसँग ५७ रनको साझेदारी गर्दै टोलीको स्कोर ८२ रनसम्म पुर्याए । आउट हुन अघि कोहलीले २९ रन बनाएका थिए ।

यसैगरी, टोलीको स्कोर १ सय १२ रन हुँदा लगतार दुई बलमा अन्तरालमा पडिक्कललाई ५० तथा अलराउन्डर क्रिस मोरिसलाई शून्य रनमा गुमाएको थियो । दुबैजनालाई एनरिच नोर्ट्जेले आउट गरे । यस्तै, १९औं ओभरको अन्तिम बलमा दुबेपनि रबडाको बललाई खेल्ने क्रममा डिप मिड विकेटमा रहानेद्वारा क्याच आउट भए । एबी डि भिलियर्स २०औं ओभरको दोस्रो बलमा दुई रन लिने क्रममा रनआउट हुन पुगे ।

जितसँगै दिल्लीले १४ खेलबाट १६ अंक जाेडेकाे छ भने बेङ्गलाेरकाे १४ अंकमा सीमित रहँदै तेस्राे स्थानमा रहेकाे छ । बेङ्गलाेरले नेट रनरेटमा काेलकाताभन्दा माथि रहँदै प्लेअफमा स्थान पक्का गरेकाे हाे । मंगलबार लिग चरणकाे अन्तिम खेलबाट प्लेअफमा पुग्ने चाैथाे टाेलीकाे टुंगाे लाग्नेछ ।

भाेली मुम्बइ इन्डियन्स र सनराइजर्स हैदराबादबीचकाे खेलमा हैदराबाद विजयी भएमा काेलकाता नाइट राइडर्स प्रतियाेगिताबाट बाहिरिने छ भने मुम्बइले जित हात पारेमा हैदराबाद समूह चरणबाटै घर फर्किनेछ ।

प्रकाशित मिति : १८ कार्तिक २०७७, मंगलबार  ६ : २१ बजे

खुकुरी प्रहार गरी दुई जनाको हत्या, आरोपित व्यक्तिको शव भेटियो

रूकुम पश्चिम । रूकुम पूर्वको भूमे गाउँपालिका–४ को साकिममा आठ

सामाजिक सञ्जालसम्बन्धी विधेयक ‘जसरी पनि’ संसदबाट पास गर्छौं : सञ्चारमन्त्री गुरूङ

काठमाडौँ । सञ्चार तथा सूचनाप्रविधिमन्त्री पृथ्वीसुब्बा गुरूङले सामाजिक सञ्जाल नियमनसम्बन्धी

माओवादी केन्द्रलाई सरकारमा जाने हतार छैन : दीनानाथ शर्मा

पोखरा । नेपाल कम्युनिष्ट पार्टी (माओवादी केन्द्र)का सचिव एवं गण्डकी

बाबुको हत्या आरोपमा छोरा–बुहारीसहित ६ जना पक्राउ

इलाम । इलाममा बाबुको हत्यामा संलग्न रहेको आरोपमा प्रहरीले मृतकका

जापान पठाइदिने भन्दै १ करोड २३ लाख ठगी गर्ने युवती बाँकेबाट पक्राउ

नेपालगन्ज । जापान पठाईदिने भन्दै बिभिन्न ब्यक्तिहरुबाट करोड बढी उठाएर