नेपालगन्ज । कोरोना सक्रमणका कारण नेपालगन्जमा थप एक जनाको मृत्यु भएको छ । घोराही उपमहानगरपालिका १५ का ५९ बर्षीय एक पुरुषको कोरोनाका कारण बाँकेमा मृत्यु भएको हो ।
घोराही उपमहानगरपालिका वडा १५ का ती पुरुषको नेपालगन्जस्थित भेरी अस्पतालमा उपचारका क्रममा शनिवार बिहान ५:२५ मृत्यु भएको बाँके कोभिड-१९ बिपद ब्यवस्थापन केन्द्रका कोरोना फोकलपर्शन नरेश श्रेष्ठले जानकारी दिए ।
राप्ती स्वास्थ्य विज्ञान प्रतिष्ठान घोराहीमा गरिएको पिसिआर परीक्षणका क्रममा उनलाई कात्तिक ६ गते कोरोना संक्रमन पुष्टि भएको थियो । उनको कात्तिक २० गतेसम्म कोरोना विशेष अस्पताल बेलझुण्डी दाङमा उपचार गरिएको थियो ।
संक्रमितको स्वास्थ्य थप जटिल बन्दै गएपछि कात्तिक २० गते बेलुका उनलाई बाँकेस्थित भेरी अस्पताल थप उपचारका लागि लगिएको थियो ।
योसंगै दाङमा कोरोनाका कारण मृत्यु हुनेको संख्या १८ पुगेको छ ।
साथै बाँकेमा ६३ जना कोरोना संक्रमितको मृत्यु भइसकेको छ । त्यसमध्ये २८ जना बाहिरी जिल्लाबाट उपचारका लागि बाँके लगिएकाहरु छन् भने अन्य ३५ जना बाँके जिल्लाका रहेका छन ।
प्रतिक्रिया