प्रधानमन्त्री ओलीले दिए नवनिर्वाचित अमेरिकी राष्ट्रपति बाइडेनलाई बधाई

खबर कुरा
२३ कार्तिक २०७७, आईतवार
                 

काठमाडौं । प्रधानमन्त्री केपी शर्मा ओलीले नवनिर्वाचित अमेरिकी राष्ट्रपति जो बाइडेनलाई बधाई दिएका छन् ।

प्रधानमन्त्री ओलीले आज ट्वीटरमार्फत राष्ट्रपतिमा निर्वाचित बाइडेन र उपराष्ट्रपतिमा निर्वाचित कमला ह्यारिसलाई मेन्सन गर्दै बधाई दिएका हुन् ।

बधाई दिँदै ओलीले दुई मुलुकबीचको मैत्रिपूर्ण सम्बन्धलाई थप मजबुद बनाउन नयाँ अमेरिकी नेतृत्वसँग मिलेर काम गर्ने जनाएका छन् ।

वर्तमान राष्ट्रपति डोनाल्ड ट्रम्पलाई पराजित गर्दै जो बाइडेन राष्ट्रपतिमा निर्वाचित भएका हुन् । यसैगरी बाइडेनकै पार्टी डेमोक्रयाटको तर्फबाट निर्वाचित ह्यारिस अमेरिकी इतिहासमै पहिलो महिला उपराष्ट्रपति बनेकी हुन् । उनी भारतीय–अफ्रिकन मुलकी हुन् ।

नेपाल र अमेरिकाबीच धेरैवर्षदेखि सुमधुर सम्बन्ध रहिआएको छ । अमेरिकी सहायता परियोजना एमसीसी पारित गर्न अमेरिकाले नेपाललाई दबाब दिइरहेको छ ।

अमेरिकामा जो बाइडेनले कार्यकाल सम्हाल्ने बेलामा नेपालमा चल्ने संसदको हिउँदे अधिवेशनबाट एमसीसी पारित हुन्छ या हुँदैन, अमेरिकासँगको थप सम्बन्ध त्यसमा समेत निर्भर हुने पक्का छ ।

एमसीसी पारित गर्ने विषयमा सत्तारुढ नेपाल कम्युनिष्ट पार्टीभित्र तिब्र विवाद रहेको छ ।

यसमा तपाइको मत

Your email address will not be published. Required fields are marked *


*