बुटवल । बुटवलमा चितुवाको छालासहित चारजना युवालाई प्रहरीले पक्राउ गरेको छ ।
पक्राउ पर्नेमा बुटवल ७ को ३० वर्षीय विष्णु प्रसाद भट्टराई, गुल्मीको दरबार गाउंपालिका वडा नं. ४ को २२ वर्षीय बिमल मगर, २४ वर्षीय संजिव पेमी र १८ वर्षीय विशाल रानामगर रहेको प्रहरीले जनाएको छ ।
बुटवलको विशाल होटलबाट शुक्रबार विहान ११ बजे सुराकीको आधारमा जिल्ला प्रहरी, भैरहवा र इलाका प्रहरी बुटवलको संयुक्त टोलीले उनीहरुलाई चितुवाको छालासहित पक्राउ गरीएको जिल्ला प्रहरी कार्यालय रूपन्देहीका सूचना अधिकारी तथा प्रहरी प्रवक्ता डिएसपी खड्क बहादुर खत्रीले जानकारी दिए ।
बरामद भएको छाला ६ फिट लम्बाई र एक फिट ३ ईन्च चौडाईको छ । पक्राउ गरीएका ४ जना र छालालाई थप अनुसन्धानको लागी अहिले जिल्ला वन कार्यालयमा हिरासतमा राखिएको छ ।
पछिल्लो समय बन्यजन्तू सिकार तथा तस्कर बढिरहेको छ, केही समय अगाडीमात्रै रुपन्देहीबाट दुर्लभ सालकको छाला तस्कर समेत समातिएका थिए ।
प्रतिक्रिया