चितवनको भण्डारामा ग्याँस बुलेटले मोटरसाइकललाई ठक्कर दियो, २ जनाको मृत्यु

खबर कुरा
८ मंसिर २०७७, सोमबार
                 

चितवन । चितवनको भण्डारामा सोमबारसाँझ मोटरसाइकल दुर्घटना हुँदा दुई जनाको मृत्यु भएको छ ।

पूर्व पश्चिम राजमार्ग अन्तर्गत पूर्वीचितवनको राप्ती नगरपालिकास्थित हर्दि चोकमा ग्यास बुलेटले प्रदेश नं.३ ०३–००२ प ११८ नम्बरको मोटरसाइकललाई ठक्कर दिएको थियो ।

दुर्घटनामा मोटरसाइकलमा सवार दुई जनाको घटनास्थलमै मृत्यु भएको छ । मृत्यु हुनेमा राप्ती–५ भण्डाराका सचिन दनाइ रहेका छन् । अर्का एक जनाको सनाखत हुन बाँकी रहेको प्रहरीले जनाएको छ ।

दुर्घटनापछि प्रहरीले ग्यास बुलेटलाई नियन्त्रणमा लिएको छ । तर, स्थानीय बासिन्दाले भने बुलेट चालकलाई कार्वाहीको माग र मृतकका परिवारलाई क्षतिपूर्ति दिनुपर्ने माग राख्दै केहीबेर प्रदर्शन गरेका थिए ।

सडक विभागले बिग्रेको सडक नबनाउँदा राजमार्गमा दुर्घटना बढ्को उनीहरूले आरोप लगाएका छन् ।

यसमा तपाइको मत

Your email address will not be published. Required fields are marked *


*