काठमाडौं । नेपालका सोमबार कोरोना भाइरसका २९ जना संक्रमितको मृत्यु भएको छ ।
स्वास्थ्य तथा जनसंख्या मन्त्रालयले अपडेट गरेको पछिल्लो २४ घण्टाको तथ्यांक अनुसार देशभर २९ जना कोरोना संक्रमितको मृत्यु भएको हो । यो मृत्यु एकैदिनमा सबैभन्दा धेरै मृत्यु हो । यससँगै नेपालमा कोरोनाबाट हुने मृत्यु दर पनि बढ्दै गएको छ ।
मन्त्रालयका अनुसार सोमबार थप १ हजार ४७४ जना संक्रमित थपिएका छन् । हालसम्म संक्रमित हुनेको संख्या २ लाख ३३ हजार ४५२ पुगेको छ । जसमध्ये २ लाख १४ हजार ५२१ जना संक्रमित निको भैसकेका छन् । पछिल्लो २४ घण्टामा मात्रै १ हजार ९३१ जना डिस्चार्ज भएका छन् ।
यसैगरी मन्त्रालयको तथ्यांक अनुसार हालसम्म १ हजार ५०८ जनाको मृत्यु भएको छ । १७ हजार ४२३ जना सक्रिय संक्रमित रहेका छन् भने ५३५ जना अझै पनि विभिन्न क्वारेन्टिनमा रहेका छन् ।
प्रतिक्रिया