बाँके । राप्तीसोनारी गाउँपालिका वडा नम्बर ४ मा पर्ने १० वर्ष अगाडी भेटिएको सिमावर्ती क्षेत्र महेशपुरमा सशस्त्र प्रहरी बलको बिओपी भवन शिलान्यास गरिएको छ ।
नेपाल–भारत सिमा अन्तर्गत पर्ने उक्त ठाउँमा बिओपी स्थापनाका राप्तीसोनारी गाउँपालिका अध्यक्ष लाहुराम थारुले भवन शिलान्यास गरेका छन् । भवनन शिलान्यास कार्यक्रममा बोल्दै पालिका अध्यक्ष थारुले जनताले अहिलेसम्म सिमा स्तम्भको सुरक्षा गर्दै आएकोमा अब सुरक्षाकर्मीसँग मिलेर सुरक्षा गर्नुपर्ने बताए । उनले सिमा क्षेत्रमा बसोबास गर्ने नेपाली नागरिकहरु आफ्नो राष्ट्र र राष्ट्रियता प्रति बफादार रहेको स्पष्ट पारे ।
सशस्त्र प्रहरी बल सम्शेरगन्जका शसस्त्र प्रहरी नायव उपरिक्षक जनकराज पन्तले उक्त भवनलाई सशस्त्र प्रहरीले चाडै प्रयोग गरेर शान्ति, सुरक्षामा खटिने प्रतिबद्धता ब्यक्त गरे ।
उक्त ठाउँमा सशस्त्र प्रहरी बलको बिओपी राख्नका लागि यसअघि जनप्रतिनिधी, सुरक्षाकर्मी, राजनीतिक दलका प्रतिनिधी तथा सञ्चारकर्मीको एक सर्बपक्षिय टोली स्थलगत निरीक्षण गर्न त्यहाँ पुगेको थियो ।
उक्त ठाउँ बाँकेको अति दुर्गम क्षेत्रका रुपमा चिनिन्छ । १० वर्ष अगाडीमात्र महेशपुर सहित त्यस स्थानका १० गाँउ नेपाली भूमिमा पर्ने खुलासा भएको थियो ।
प्रतिक्रिया